كيكــة خيــزو والليمــون ماذاقــها رائــع ومنضــرها راقــي جــدا

المقادير :
4 بيضات + كاس ونص سنيدة + كاس زيت + كاس عصير برتقال + قشرة برتقالة محكوكة + دانون أي نكهة + 2خيزويات محكوكين+ كاس كوك + 3 الخمارات + الدقيق حسب الخليط +
للتزيين : دوائر مندرين معسل
الطريقة :
كنطرب البيض مع السكر مزيان كنزيد الزيت ثم دانون مع التطراب كنضيف عصير البرتقال وكنخلط كنزيد قشورالبرتقال والجزر + الكوك ونخلط بالسباتول وأخيرا كنضيف الدقيق مخلط مع الخمارات وكنخوي فمول مدهون ومرشوش بالدقيق وندخلها للفرن مدة 40 دعلى د °180
من بعد مانخرجوها كنزوقوها بالمندرين معسل والكوك فالجناب
طريقة تعسيل المندرين :
كنقطع دوائر المندرين ونحيد ليهم العظومة ونسلقهم نص سلقة كنرمي هاداك الماء ونعاود نسلقو هاد المرة كنزيدلو السكر باش يحيد مذاق المرورة
ملي كنحس بيه طاب يعني القشور ولاو رطبين كنصفيه ونعسلو فمقلاة مع السكر شوية الزبدة و2 معالق كونفتير المشماش
كنتمنى تعجبكم وتجربوها كتجي عالية بزاف ولذيذة وهشيشة وهاداك المندرين ماشي غير ديكور ههههه
راه كيتكال كيولي كراميليزي ممكن ديرو فبلاصتو البرتقال.