مهم غادي نعطيكم بعض نقط أو أسرار اللى كتساهم في نجاح كيك وهي :
1 البيض ما خصوش يكون بارد يعني يكون بدرجة المطبخ
2 خصك طربي البيض مع سكر مزيان حتى يضاعف حجمو بطراب الكهربائي
3 دقيق خاصو يكون من نوع جيد
4 خميرة الحلوة خصها تكون هي أخر حاجة كتعملها
5 الفرن خاصو يكون مسخن مزيان من قبل ، وتخليه شاعل غير من التحت باش كيك تجيك منفوخة وعالية ولما تبان ليك تنفخات مزيان عاد كتشعلي الفوق باش تحمر وتخرجها
المكــونــــات : 4 بيضات + كاس دانون أو كاس عصير الليمون + كاس ونص الزيت + 2 معالق كبار نتاع الخل (كيساعد في إنتفاخ الكيك ) + 3 الخمارات 8غ + رابعة سنيدة ناقصة شوية منها + قشور الليمون محكوكين + طحين حسب الخليط يعني تباق ما خفيفة ما تقيلة
الطــــريقــــــة : كطربي البيض وسنيدة مزيااااااااااااااااااااااان من بعد كضفي دانون أو عصير وكل المكونات وطربي عود مزيان من بعد كضيفي الدقيق
وكتحضري مول كدهنيه بزبدة وترشيه بطحين وكتعملي أخر حاجة هي الخميرة وكتفرغيها في مول وكتكوني ديجا مسخنة الفرن ودخليها كما قولت ليك الفرن يكون شاعل غير من التحت فقط وتزين زينها حسب الرغبة ديالك.
