بسبوســة بالكــوك مــن ألــذ مايكــون وساهلــة وتنفــع وقــت الڭوتــي

المقادير : 500 غ سميدة غليضة + نصف ليتر حليب + 1 خميرة بيضاء + 1 فاني + 1 دانون فاني + ( كاس دانون نعبربيه ) 1 سكر + 1 زيت + 100 غ كوك ( جوز الهند ) + 2 بيضات + م ك زبدة
لسقي البسبوسة : 2 كيسان كبار سكر + 2 كاس كبير ماء + عصير ليمونة ( حامض )
للتزين : لوز
الطريقة : نخلط جميع المقادير مزيان ونضيف عليهم الحليب ونخلط مزيان
نفرغ الخليط في مووول ونخليه وحد 20 دقيقة
من بعد 20 دقيقة الخليط تكون شربات شوية نعمل بالموس خطوط كيف غادي نقطعها ونعمل في كل مربع حبة لوز وندخلها للفران
كيف تخرج من الفران نسقيها بسيرو لي وجدت وهو باقي سخون
نخليها تبرد مزيان عاد نقطعها كتجي فنة ماشاء لله إن شاء لله تجربوها وتعجبكم كيف عجبتني أنا
ملاحظة : هادي هي الخميرة لي عملت تقدري تعملي 3 خمارات حمرين بلاصتها حيت هادي فيها 20 غ