السلام عليكم ندخل فالموضوع
انا كنت كندخل لواحد السيت ديال الزواج المهم كيما ديما الحوار كيكون عبر الفيس بوك
دخلت المهم السيد بانلي فالاول مزيان عطيتو نمرتي و الكذاب لاخر قالي حقا الريزو مكيناش و بدا كيزوقلي الكلام
عطيتو نمرة ديال الفكس بالنية ديال
البارح كنت كالسة كنهدر معاه عليا ما بيا صردلي صورة خليعة جيت انا مسحتو و بلوكيتو
جا هو صردلي فالتليفون انا خديتلك الصور ديالك من الفيس و عنحطهم فالمواقع الخليعة
و حتى صور ماماك و ختك و النمرة ديالك عندرجها فالمواقع ديال الدعارة للي كينين كلهم
انا معرفاش شنو نعمل دابا و انا ربي يشهد عليا و الله ما قلتلو شي حاجة خايبة
قلتلو فرقني عليك الى بغيتي داك النوع ديال البنات راه موجودين
هذا للي كتعمل راه قذف محصنات و عتشوهلي السمعة ديال حسبي الله و نعم الوكيل فيك
و بدا كيصردلي مسجات خايبين و قالي غذا عتشوف صورك منشورين و انا عنعطيك السيتات للي نشرت فيهم الصور
الصور راه اخوتي فيهم انا محجبة و مكاين حتى شي وضع مخل !!
قولولي اشنو نقدر نعمل فهاد الوضع واش كاين شي طريقة نتشكا بيه ونبلوكي النمرة ديالو من التليفون ؟
قولولي شنو عنعمل راه انا منهارة انا عارفة راسي غالطة متزيدوش تقهروني انا بغيت غير الحل مبغيتش اللوم عفاكم !!
↧
ساعدونـــــي بشـــــي نصيحـــــة الله يرحـــــم الوالديـــــن مشكلـــــة كبيـــــرة شـــــاب يهددنـــــي بالصـــــور
↧