مشكلتـــــي كبيـــــرة بـــــزاف ختـــــي دات ليـــــا الراجـــــل طلقنـــــي و تزوجهـــــا !!!

سلام عليكم لباس عليكم دلاتني صديقتي على هاد الموقع باش نحط مشكلتي فيه حيت صافي عييت بزاف صااااااااافي مبقا فالدنيا ميتعجب
قصتي هي أني تجوزت هادي 10 سنين بواحد الراجل صاحب بابا كان خدام معاه واحد المرة بابا عرض عليه وشافني بالصدفة و عجبته
خطبني من بابا طبعا بابا وافق وانا قلت لكنعرفوه حسن من غريب تزوجته و كان كيعاملني مزيان حتى لشي 8 شهر هادي ولا واحد أخر
كيضربني و يهيني و أنا ملي كنت نجي نحكي لمي همي وأختي الوحيدة كانت ختي تنوض و تخلينا نهدرو
واحد النهار حصلتها تتدوي فالتلفون و تضحك دايرا اوبارلور وأنا نسمع الصوت ديال راجلي
دخلت عليها وسولتها كالت ليا صوت كيتشابه صافي أنا حماره تيقتها
دازت ليام هذي شهرين باش طلقني وأختي غبرات من الدار قلبنا عليها تاعيينا دكينا عليها تلفونها بواط فوكال ديكلارينا عند البوليس
حتى واحد النهار دكت عليا فالتلفون كالت ليا هاشنو كاين و انا تنبغيه و هو يبغيني و راه تزوجنا و طلقك باش يتزوجني حيت ميقدرش يجمع بين الخواتات
انا تصدمت عاد فقت من الصدمة هاد الشهر وأمي سخطت عليها
ختي صغيره باقي فعمرها 23 عام وأنا فعمري 30 عام و عندي معاه ولد عمرو 9 سنين وراني حاملة وكلتها ليها فالتلفون كالتها ليه لغد ليه دوا معايا من نمرتها كاليا لوحي للي فكرشك فالزبل !!
أنا مبقاش فيا هو أصلا صاف كرهتو أنا بقا في لي دارت فيا ختي بنت مي
مديرهاش ليهوديا حشاكم فختها
هدا مكان جيت نخوي عليكم قلبي للي عمر ومبقاش قاد يعيش شحال فكرت ننتاحر و لكن الغالب الله مباغاش نمشي جهنم بسبب ليهود
دعيو معايا أخواتي.