المقــــاديــــــر والطريــــــقـــــة :
صدر دجاجة تقريبا 1 كيلو مصلوق مع الملح وورقة موسى و مفتت + الكروفيت مصلوق مع الملح وورقة موسى + الكلمار مصلوق مع الملح وورقة موسى و مقطع صغير + شرمولة الحوت العادية + باكية الفطر الاسود مطلوق في الماء الساخن و مقطع قطع صغيرة + علبة فطر عادي مقطع + حامضة مصيرة مقطعة مكعبات صغيرة، بصف باللب و نصف بلاش + باكية شعرية صينية مرطبة في الماء و مقطعة صغير + الهريسة وصوص الصوجا
كناخد الدجاج و الكروفيت و الكلمار و نزيد عليهم نصف الشرمولة والهريسة و الصوجا نشحرهوم مزيان في مقلة حتى يتشربو الشرمولة و نخليهم علي جنب
كناخد الشعرية و انواع الفطر و الحامض و نزيد عليهم نصف الشرمولة لي بقا والهريسة و الصوجا نشحرهوم مزيان في مقلة حتى يتشربو حتى هوما الشرمولة و نخليهم علي جنب
نخلط الحشوتين بزوج و نوجد الفرماج محكوك و نبدا اللف
بالنسبة للورقة كنكون موجدة حداية الماء سخون، كندوز فيه الورقة حتي تطلق و نعمرها دغيا بالحشوة و الفرماج و نلفها علي شكل سيكار، كندخلهم للمجمد يتشمعو من بعد نجمعهم في البلاستيك و الى التخزين.
