المكونـــــات :
الشرمولة : فخيدات الدجاج + الخل + كاس كبير ياغورت مسوس + الملح + معجون الثوم أو 3 ثومات محكوكين
الطريـقـــــة :
– كنشرملو الفخيدات فالخليط مزيان و نخليوهوم يشربوا اليوغورت باش يرطابو , كنفضل تديروها هاد العملية بالليل و يبات مرقد باش كيجي لحمو فتي و رطب
– كنوجد مقادير الشرمولة الثانية ديال البنة :
الحرور + 2 بيضات + التحميرة + سكينجبير + الكمون + الابزار + الزعتر محكوك مزيان + ثوم مدقوق , أنا كنزيد نص خنيشة ديال دوك الشوربات الجاهزة حيث كيبننوا الدجاج خصوصا فكاع الوصفات الخفيفة سواء القلي و لا الفران و لكن تيبقى ثانوي طبعا
– كنخلطوا جميع المقادير و نضيفوا لهم خميرة الحلوى
– كناخدوا الكورن فليكس و نهرمشوه مزيان و نوجدوا الدقيق الأبيض
– نسخنوا الزيت مزيااان فمقلاة ثقيلة و ندوزوا الدجاج فخليط البيض ثم الدقيق ثم الكورن فليكس , مللي تسخن الزيت ننقصوا ليها العافية و نحطوا قطع الدجاج و نغطيوا المقلاة
– مللي يطيب الدجاج من الداخل , نعريوه و نجهدوا النار و نقلبوه من الجوايه حتى يتحمر راه كيجي رااااائع جدا
وبالصــحـــــة والـــــراحـــــة