ديسير طبقات بالفلان والفواكه المشكلة ساهل وخاص بالمبتدئات

فواكه مشكلة ممكن ديرو الفواكه لي عندكم، أنا درت الفريز والكيوي والبانان وزينتو من الفوق بالفواكه الجافة
الطبقة الأولى : نصف لتر من الحليب + 3 معالق الكريم باتيسيير + أو إلا ما عندكش ممكن تعوضيه بمايزينا + السكر حسب الذوق، نخلطو كلشي فوق النار حتى يعقاد ملي يبرد نكبوه فالكيسان وندخلو يبرد
الطبقة الثانية : 2/1 عصير الليمون + ساشي ديال الفلون + السكر حسب الذوق، نفس الطريقة
بالنسبة لهدا الديسير كيجي رائع وفي المنضر كيجي راقي.
قطعي الفواكه الي متوفرة عندك وعصري عليها شوي الحامض باش ما تكحالش وتاكسد
ثم ديري 2/1 الحليب مع 3 معالق الكريم باتيسيير او الا ما عندكش ممكن تعوضيه بمايزينا + السكر حسب الذوق وطيبيه على النار حتى يعقاد ثم صبيه في كيسان التقديم وخليه حتى يشد راسو عاد زيدي الفواكه اللي قطعتي ,وعاود جيبي 2/1 عصير الليمون وخلطيه مع ساشي ديال الفلون + السكر وطيبيه على النار حتى يعقاد وصبيه في الكيسان على الفواكه من فوق وديريهم في الثلاجة
أما التزيين فلك كامل الاختيار والابداع، وبالصحة والراحة.