السلام عليكم صديقاتي تفننو في صناعة الصابون
اليوم أنوريكم تصاوبو الصابون بلا متشريوه مثلا اذا عندك شي صابون فالدار مهرس أو مكتستعمليهش حوليه إلى صابون سائل
مع التوفير ونزيدك أن الصابونة تخرج ليك العجب وعمري القراعي و إذا بقا خبيه فالثلاجة حتى تحتاجيه
ايوة شوفي الطريقة ومتنساونيش بشي دعيوة وانتما كتغسلوا
وجدي أي نوع الصابون لي كيعجبك أنا حطيت دوف تحتاجي صابونة وحدة + 3 كيسان الماء ديال العنبة سخون أو مغلي إذا بغيتي كريم مرطب أي كريم عندك أو كيعجبك (إختياري)
كنحكوا الصابونة مزيان كنغلي الماء ونضيفه للصابون ونحرك مزيان حتى يذوب الصابون ونحطه فالثلاجة لمدة 7 ساعات كل ساعتين نخرجه ونخلطه مزيان وارجعه حتى يولي بحال الكريمة
كيكون أول ما تخلطيه سائل مقابطش راسه خفيف متخافيش هو كيثقال مع الوقت.
منين تمر 7 ساعات إذا بغيتي ضيفي ليه الكريم المرطب وبالاخص إذا كنتي تستعمليه لليدين ثم حطيه فالقراعي واستمتعي لي ما راسك.
