نبداو على بركة الله :
غادي نحتاجو عجنية البيتزا : أنا كنديرها ب 500 غ دقيق+ خميرة الخبز + 5 معالق نيدو + ملح + 2 معالق زيت الزيتون
كنعجنها و ندلكها مزيان و نخليها ترتاح، و من بعد كنشكل كويرات و نحتفظ بهم.
بالنسبة للحشوة :
كنشحر بصلة و نخليها ترخى و نزيد عليها صدر الدجاج مقطع قطع صغيرة و علبة ديال الشومبينون و ندير الملح والابزار و نخليها طيب ملي نقرب نطفي نزيد 5 معالق قشدة طرية و شوية الكوزة و نخليها شي 2 دقايق، و نحيدها و نخليها تبرد.
طريقة التشكيل الصور كتوضح أحسن و في الاخير كندهنا باصفر البيض و اللي بغات تزين بالجنجلان تزين، أنا مكيعجبنيش مدرتوش و كنطيبوهم فرن متوسط و بالصحة و الراحة.
↧
خبيزاات بالدجاج منظر جميل ولذة ماليها مثيل
↧