السلام عليكم ورحمة الله
عواشركم مبروكة
بلا منطول عليكم انا مكنصبنش الزربية فالدار كنصيفطها تصبن وملي كنجيبها كنلقاها كتشعل بحالا جديدة وريحتها روعة كتبقى شحال ولاحظت أنها كتفقد داك اللمعان واخا تكون مزال نقية واخا نشطب ونعاود ووالو و أنا نقولها راجلي ومشى سول و جابلي السر ههههههه
سر النقاوة هو دوك الملصقات ديال الاشهار اللي كيكونو دايرين مالين الحوانت دالفرماج ولا التيد هادوك كتاخدي وحدة تكون كبيرة ومزال جديدة ومن بعد ماتشطبي مزيان أو دوزي لاسبيراتور تبقاي تلصقيها فوق الزربية وتحيديها وتعاودي حتى تلقايها مبقاتش كتلصق من قوة الخملة اللي كتهز وإلى بان لك مزال متنقاتش مزيان عاودي بلصقة اخرى وتفرجي شحال كتهز أنا تخلعت ههههههه