المقــــاديــــر :
زلافة دقيق فورص + زلافة السميدة رقيييقة أو الفينو + معلقة كبيرة خميره خبز + معلقة صغيرة خميرة دالحلوى + 3 الكيسان عنبة ماء دافئ + كاس عنبة حليب دافئ +جوج معالق كبار سكر + معلقة ملح
للتوريق : زبدة دايبة تكون كمية مضاعفة للكمية الزيت باش نورق + سميدة
الطـــــريــقــــة :
عجنت كلشي فالعجانة
ومن بعد عملتوم كويرات وخليتوم يرتاحو 10 د العجينة خصا تكون رطبة يعني تكون مدلوكة مزيان وخفيفة
بنسبة لتوراق أنا كان ورق بحال رغايف و بزبدة ذايبة والزيت وكن رش السميدة كل مرة
من بعد كان جمع جوانب بيدي حتى تعطيني شكل كويره كيما باين فالمراحل
كان خليهم يخمرو واحد 30 د وعينك ميزانك إلا خمرو لك قبل بداي تكراص وطيبوم
هنا ملي طابو
وهاذا كيف يكيجيو من داخل مورقين وهشاش
إوا مرحبا بكم عندي على سوينيه ديل أتاي نعملو لڭوتــي مجموعين مرحبا اللهم أدمها نعمة و إحفظها من الزوال يارب
وبالصــحـــــة والـــــراحـــــة
↧
مخمــــار كيجــــي مــــورق ولذيــــذ ينفعــــو لڭوتــــي وحتــــى للفطــــور
↧