وصفة بسيطة جدا ومتواجدة في كل بيت باش تفشي بيها الكريشة وتزولي الغزات لي فيها

النحيفات والغلاضات حتى وحدة فيكم ما عندها مادير بالكرش لأنها كتشوه الفورمة
واللي بغات الكرش الله يعاونها عليها ههههههه
طبعا دائما التوفيق من الله
جربت وصفة باش تفش الكرش شوية حيت أنا كنعاني من الغازات بشكل كبير ومع الولادة منعاودش ليكم كيف ولات
والشيئ العجيب هو :
الوصفة فشات كرشي حتى طاح سروالي هههههه
والله ما كنبالغ
ونيت حتى أختي و أمي لاحظوا أن كرشي مفشوشة
الوصفة بسيطة وبلا تعقيدات :
تسخني الماء يبقى دافي مائل للبرودة باش ما يأترش على المصران وتسفي معاه ملعقة كمون مطحون على الريق وقبل النوم
أو بعد أكلة ذهنية ثقيلة إيوا وجدي السمطة لا يطيح ليك سروالك هههههه
ملي بهراتني الوصفة وجّدت وصفة أخرى وهي :
كمون + عسل + زعيترة مطحونة كلشي مخلط فالعسل اللي عندك الحر أو الزمزامي أو عسل الشفاء وخليتها فالبلاكار لحالة الطوارئ والاوجاع
هاد الوصفة تنزل على البطن كتخدموا مزيان ما يبقى لا وجع ولا آلام واللي بقا يشتكي الآلام عرفيه غير كيتبوحط عليك.