السلام عليكم
انا عضوة فهذ الموقع من مدة وحبيت نكتب لكم على مشكلتي
أنا مزوجة من سنوات وعندي ثلاثة ديال وليدات مشكلتي أو صدمة حياتي اكتشفتها وماعرفت ماندير وعليها كتبت باش تساعدوني
كانت اختي باغة تدير مشروع وطلبات مني نقول لراجلي يساعدها و أنا قلت ليه الموضوع أختي باغة تدير مشروع وباغياك تساعدها هضر معاها
صافي هذا أخر كلامي
ماعاودت عرفت ولاسولت ولاقلت شنو درتو ولا والو
تافقو بيناتهم هما وما بقيت جبت الخبار أنا وصفط ليها الفلوس هو بيناتهم حتى لمؤخرا جا عندي راجلي وقالي أنه اختك مابقات كتجاوب فتلفون و أنا راه سلفتها فلوس وما رجعاتهم عليا قلتلو وعلاش ما قلتيهالي من الاول قالي أختك قالت الموضوع يبقى بيناتنا هضرت أنا مع أختي ونكرات أصلا ومشات كترسل لراجلي علاش تقولها لأختي ووو
وتاصل بيا راجلي قالي علاش تقوليها ليها راه تقلقات مني حيث ما بغات تحرج راسها معاك داكشي علاش ما بغات نقوليك
وغوت على راجلي علاش ما يقولها لي ويخبيو عليا مع أنه أنا لي دخلت فالاول وقلت ليها راه أختي بغاتك تساعدها أختي طبعا نكرات وأنا بقيت كنقوليها رجعي لراجل فلوسه راه بغاهم كتقولي ماعندي وماعطاني وتخاصمنا وماعاودت هضرت معاها وهي كذالك وراجلي ديما يقولي اختك مارجعات لي فلوسي وحسيت براسي بقيت فحشمة معاه ووقع بينا خصام انا واختي وحظراتني فين كنتواصلو ديما وبقات القطيعة بيني وبينها حتال البارح راسلتها باش ترد الفلوس حيث كملات المدة اصلا وفات عام وما ردات ولا مبلغ بسيط من السلف وانا اللي كنتحشم رغم اني كندور فراجلي الي جبد لي الموضوع
ايوة شوية راجلي كيصفط لي راه اختك حماقت راها كتاصل بيا وتهددني الي ما تنازلت علي الفلوس كاملين غتلفق علي تهمة اني كنبغيها واني كنتحرش بيها وطالب منها الزواج وانا مشيت كنسول اختي وكنقوليها اشنو هادشي واش حماقيتي شوية عاود كتصفط لي هاد اختي مسجات راه والله ما تخليني فالتيقار حتي نفضح راجلك راه ساكتة علي فضايحو غير علي ود الدم والاخوة اللي مشاركين
هضرت مع خواتاتي الاخريات قلت ليهم شوفو هاد الحمقة اش كتقول علي راجلي وباغية تاكل ليه فلوسو وكتهدد من الفوق
قالولي لا الهضرة كاااااينة وشايفينها بعينينا غير ما بغينا نسببو ليك مشاكل ونشتتو شملك مع وليداتك هضرت مع راجلي قلت ليه قولي الصراحة ووريتو كلام خواتاتي كلللهم
مشي هو دار قروب فالواتس اب ودخلنا جميع ايوة هنا بدات كتبان الحقيقة باللي السي السيد راجلي مواعد اختي بالزواج بعدما يطلقني انا للعلم كانت عندنا مشاكل وصلات للطلاق فذيك الفترة
وكانت كتكون بينا مشاكل وكنقوليه يطلقني وناخد وليداتي كيقولي راه المحكمة سيري ليها وموراها كيبقى ويجي يصالحني والحياة كتمشي على ود وليداتي ونيت هو مامقصر معاهم فحتى حاجة وصافي مور ما انكشفت الحقيقة السيد اعترف وقال اه بصح هادشي وانتي السبب انتي لي ديما باغا الطلاق وانا بغيت اختك هي لي تربي ولادي وما يخصها حتى خير معايا
اه والاخت قالت باللي فهاديك الفترة قاليها الفلوس ماشي سلف خوذيهم ليك
وهذ الكلام راه من زمان واخواتي كلهم عارفات وساكتات وكيتاصل عليها ديما ويكلمها والله اعلم شنو اخور عطاها بلا علمي انا هادشي غير لي عرفت
اه وقاليها الي وافقتي علي نشري ليك دار وسيارة باسمك
ودابا انا ماعرفت ماندير تصدمت صدمة حياتي صدمة خوتي وراجلي لي سنين وانا معاه ومعانا وليدات كلشي يتهدم خلا كل بنات وما مشى غير لاختي
انا امي كبيرة فالسن واذا قلت ليها هذ الكلام ممكن تمشي فيها
وفنفس الوقت ماعندي حد يوقف معايا وانا فالغربة وماعندي حد من غير عائلته لي طبعا غادي يوقفو بجانب ولدهم ويرجعوني انا كذابة
وانا كرهتوو صرااااحة وكرهت حتي خواتاتي وما بقيت باغة نشوف وجهو ومصممة باذن الله علي الطلاق وهو حاليا كيقولي الطلاق ماغادي نطلقك وتماك تبقاي
وشنو المعمووول انا حالتي النعاس ماشفتو وعيني ما نشفو من دموع وانا بعيدة على بلادي وماعرفت فين نعطي راسي لو لا الخوف من الله ونزيد نتعذب حتي فاخرتي والله ما قدامي الا الانتحار واستغفر الله علي كلامي حيث صراحة كل الابواب مسدودة فوجهي وحتى اوراقي وكلشي اتباثات عنده هو خايف لا نسمح فكلشي ونخرج
ساعدوووووني وسمحولي طولت عليكم
↧
تصدمت صدمة العمر خيانة زوجي مع أختي …
↧