باسم الله
المكــونـــات والطـــــريــقــــة :
بكية كريم شانتيي مضربة مزيان مع ربع لتر حليب + 3 أصفر البيض نضربوهم مع ربع كاس سنيدة + 2 فانيات ثم نضيفوهم على ربع ليتر
حليب لي بقا لينا ندفيوه ثم نعملوه فوق النارحتى يبدا يعقاد ونخليوه يبرد
* نضربو 3 أبيض البيض مع ربع كاس سنيدة حتى يولي بحال الكريم
* حك نستلي طايب نخليه يبرد أو يمكن تعوضيه بحليب بوريسيما بارد نضربوه مع دانون كريمي ديال الفاني من بعد نجمعو جميع العناصر ونخلطو بملعقة العود من فوق لتحت ثم نقسموه باش نكهوه باش بغينا
انا قسمت على 3
* واحد عملت فيه نسكافيه مع الشكلاط غبرة
* واحد عملت فيه 3 دراهم شكلاط مع نصف كاس الماء و نصف بكية الشكلاط غبرة فوق النار حتى يدوبو وخليتهم حتى بردو وعملتهم الخليط
وواحد زدت في 2 فانيات باش تبان النسمة مزيان
نتمنى نكون وضحت مزيان وأي استفسار أنا في الخدمة
هادا ديال الفاني
وهادا ديال الشكلاط بوحدو تقدري تعملي فيه اللوز محمر و مهرمش
وبالصــحـــــة والـــــراحـــــة
↧
كلاص غزال ورائع وتخرجي من أكثر من نكهة
↧