كروكيط بالحوت الأبيض بطريقة ساهلة ولذة ماليها مثيل

المقــــاديــــــــر
هبرة الحوت أبيض اي نوع انا استعملت rape وكان عندي طريفات فيهم العضم حتى هما سلقتهم ونقيتهم + بصلة + ورقة سيدنا موسى + ملح + 3 فروماج لفاش كيري + زيت للقلي + اصفر بيضتين + طحين + الخبز المحمص ( لا شبلوغ ) + ملعقة كبيرة من الزنجلان
الطـــــريــقــــة :
كنسلق الحوت والبصلة وورقة سيدنا موسى ربع ساعة
نقيتها من العضم وطحنتها ومطحنتش البصلة حيدتها غير كتطلق المذاق ديالها وصافي
كنعجن الحوت مع الفروماج مزيان باش يتخلط كلشي
ونعمل كويرات
كندوزهم فالطحين وأصفر البيض الخبز المحمص ( لا شبلوغ ) لي خلطت معاه ملعقة كبيرة ديال الزنجلان
كنقليهم فحمام زيت ساخن جدا منين الزيت مكيكونش سخون مزيان كيطرطقو وكيشربو الزيت
وهاهما واجدين.
وبالصــحـــــة والـــــراحـــــة