بيني مجرب عدة مرات وأهم حاجة فيه أنه مفيهش كترة الزيوتات حيت كيطب في الفران

3 كيسان دقيق العبار بكأس العنبة + بطاطا صغيرة مسلوقة حجمها قد البيضة + 3 معالق كبار سنيدة + 2 معالق كبار زبدة لينة + 1 معلقة كبيرة خميرة معجونة ( أنا درت خميرة حبوب ساشي واحد) + فاني و قبصة ملح + بيضة + 6 معالق كبار حليب دافي بالنسبة الحليب ضيفيه بشوية حتى تجمع العجينة يمكن تحتاجي أكثر على حسب الدقيق أنا درت 10 ديال المعالق باش تجمعتلي العجينة
خليت العجين حتى خمر مزيان وطلقتو بالمدلك وقطعتو
وضعت معلقة صغيرة من نوتيلا في الوسط و دهنت الجوانب بالحليب الأخر بالمربى وتقدروا ديرو حتى كريم بتيسير وغطيت بالقطعة التانية تم عملت ألبيني فطوى وخليتو يخمر
بعد مخمر سخنت الفران ودخلتو ردوا البال دغية كيتحمر ولكي ألإختيار من بعد تخليه كما هو أو ديري سكر الصقيل أنا جربتهم بجوج على حساب دوقكم
يالله شي دعيوة ربي يصلح ولدي ويجعلو من الصالحين يارب