المقـــاديــــــــر :
3 بيضات + 1 دانون فاني + كاس دانون ما عامارشي سنيدة + كاس لارب من الزيت العبار نقص دانون + 1 برتقالة + خميرة ونص دالحلوى + الطحين حسب الخليط
ملاحظة : يمكنلكوم تعملو 4 بيضات وتعبرو بكاس العنبة
الطــــريقـــــة :
غسلت البرتقالة ومامسحتاشي باش يبقى فيها الما و حكيتا فالحكاكة وقشرتا وطحنتا فمولينكس حيت مكانشي عندي البرتقال دالعصير وصافيتا
وطربت 3 بيضات مزيان وزدت سنيدة وطربت تم الزيت وطربت تم عصير البرتقال والبرتقال اللي محكوك ودانون وطربت مزيان وزدت الطحين والخميرة
مسحت المول بالزيت ورشيت الطحين وكان الفران مشعول كايسخن
وهاهي ملي وجدات مع براد ديال أتاي
↧
كيكة بالبرتقال ودانون كتجي هشيشة وكتذوب في الفم
↧