طاجين شريته جديد وبغيتيه ميحرقش ويجي دائما بنين أجي نوريك أش ديري ليه

السلام عليكم ورحمة الله وبركاته
انا عزيز علي ماكلة الطاجين لكن راجلى مكيحملش ريحت الحراق ديالو .يعني ممنوع منعا باتا الطياب فيه
لكن ديك المرة كنا كنتقداو وشفت طواجن كتهبل انا كنقول ليه بغيت طاجين وهو كيقول لي زيدي قدامي راك عارفة مكنحملش الحراق ديالو.اوا مول الطواجن سمعنا وقال لينا انا نعطيكم الطريقة باش عمر ريحت الحراق ماتكون فيه زيد على البنة لي غتولي فيه.الطريقة هي غتاخدي الشحمة ديال الغنمي أو البكري وتحكيها مزيان على الطاجين من الداخل ومن برا وتخليه يبات ليلة كاملة عاد تديريه فوق البوطة باش تدوب ديك الشحمة وتخليها كتدوب حتى يشربها الطاجين كلها يعني غينشف .
وديك الساعة بداي تطيبي فيه. منقولش ليكم علي البنة لي فيه أما الحراق مكيدورش بيه.
و راجلي ولى كيتصل بية ويقول لي وجدي لينا ش طوجين الله يرض عليك
يمكن طولت عليكم الله يحفضكم كاملين.