المقــــاديــــر والطــــريقــــة :
4 بيضات + كاس سنيدة + كاس زيت + كاس لحليب + كاس عصير البرتقال + كاس دانون + 3 خمارات + 3 كيسان لفورص أو كثر بشوية + فاني أو قشور لحامض أو البرتقال
كنطرب البيض مع سنيدة و الفاني مزيآآآآآآان، من بعد كنضيف الزيت، كنضيف الحليب ودانون وعصير ليمون بتدريج، من بعد كنبقاو نضيفو في الدقيق بشوية بشوية ويكون مغربل ونضيفو الخمارات في الاخير
كنديروها في مول يكون مدهون ونرشوه بزبدة وندخلها للفران يكون مسخن من قبل، فاش ندخلها الفران نشعل عليها غير لتحت ونقصو العافية على اقصي حد ونخليوها حتا تبان لينا تنفخات وريحتها عطآآآت هههه وتكون تحمرات من جناب عاد نحلو عليها الفران ونقلبوها بموس واش طابت ولا باقي، من بعد نشعلو عليها العافية من الفوق باش تحمر
هاهي كيف جات أنا دهنتها بمربى ورشيت عليها الكوك
ملاحضة : عبرت بكاس العنبة
بعد المرات كنضيف 3 معالق الماء للخليط…كيخلي الكيك تجي مهوية اكثر من لداخل
فاش كطيب الكيك كنطفي الفران ونحلو ونخلي فيه لكيك شوية عاد نخرجها (باش ماتخرجش سخونة ويضربها ليا البرد هههه)وطفس ليا
الخليط ماخصوش يكون خفيييييف بزاف باش ماتجيش الكيك طافسة
ومايكونش تقيل بزآآآاف ماتجيش الكيك معجنة وثقيلة
أمانـــة عليكم لي دخلات تدعي معايا دعوة الخيـــر ويكون لها بالمثل
فـــي امان الله
↧
لكل الأخوات لي مكتصدقش ليهم كيكة جبت ليكم هاد الطريقة السهلة وتصدق 100/100
↧