واحد الحاجة تهنيك من سانيكروا و معطر الجو و معطر الملابس دوخلي نوريك شناهية

السلام عليكم حبيباتي
كالعادة أنا مكنجيش نكتب أي شيء الا بعد تجربة و اي حاجة استفدت منها و كتستاهل انني نقولها ليكم مكنبخلش بيها
شحال هدي واحد الصديقة ديالي قالت لي على واحد لوستها الدار عندها كتفوح بالريحة الغزالة حتى حوايج مالين الدار و الفراش و كلشي سولاتها قالت ليها السر في الروح د سانيكروا مشيت بالجرااااا قلبت عليه عند مالين سانيكروا و ادوات التنظيف اللي كيبيعو سانيكروا د العبار و لقيت الرابعة ب 45 درهم وخ قليلة راه قطرة وحدة تخلي ليك الدنيا كتفوح بالريحة أنا كناخد ديال الورد هو اللي عجبني أكثر كندير قطيرات في الارض مللي كندير التجفيفة الاولى التانية كنقطر ونعاود بالجفاف نقي و في الدوش كنقطر قطيرات في لاشاس كنحلها و نقطر فيها و كنقطر ورا لافابو ورا LE BIDET و أكيد كتكون عندي رشاشة د البلاستيك نسيت ما صورتهاش فيها ماء و قطرات من البرودي كتخلي داك الماء أبيض كيف الحليب مع أن الخليط بحال الزيت مكاانش يحساب لي كيتجانس ساعة كيولي عندك سانيكروا بقطرات فقط من المحلول
مولاه ستغرب فاش بغيت ناخد الروح قالي راه حنا هاد الرابعة كنخرجو منها 35 ليتر من سانيكروا العبار كيخلطوه قالي مع الملون و مادة اخرى باش يتخلط الزيت مع الماء و الحمد لله صدق كيتجانس بلا مادة بلا والو
و كنوضع قطع القطن في الصالات في القنات و في الدروج د الدار كنوضعهم في الفازات باش تبقى الريحة أكثر و اللي دخل عندنا كيقول الله على ريحة
و نسيت مقلتش ليكم كنقطر في مكان المعطر في الماكينة د الصابون قطرة مع شويش د الماء كيخرجو الحوايج كيفوجو بالريحة غزالة
و الرشاشة كنستعملها بحال معطر الجو اقتصادية غادي تهناي من تلاتة الحاجات سانيكروا و معطر الجو و معطر الملابس اللي غالبا ريحتو كتمشي مع الشمس
ومن بعد وضعتو في قرعة الشمبوان باش نقتصد و نقطر غير قطرة بقطرة
جربوها و ادعيو لي