اليوم جبتليكوم خلطة اقل ما أقول فحقها قليل غتهناي من حكان الثوم كل ماتحتاجيه وكدلك غتهناي من تقطاع الربيع
لهاد الخلطة غنختاجو قبطة نتاع الربيع أنا كنخلط القزبر والمعدنوس ولكي الإختيار عزيزتي يمكنك تستعملي المعدنوس بوحدو + ثوم + كاس زيت مخلط بين البلدية والرومية وهنا كذلك لك الاختيار تستعملي غالرومية بوحدها + ملح حسب الرغبة وأثناء الطبخ ديري بحسابك الخليط فيه ملح
عنفصصو الثوم ونقطعوه غليض مكيهمش شكلو فالتقطاع ونفش الشيء فتقطاع الربيع
نطحنو كل العناصر فمونينكس
ونديروه فقرعة نحتافظو بها فالثلاجة كتبقا أكثر من 15 اليوم مكيوقع لها والو
كلما كنبغي نوجد شي وصفة كنحرك الخليط بملعقة عاد كنخد الكمية لي بغيت و أنا غالبا كنستعمل ملعقة أو ملعقتين ولكن الكمية المستعملة كتختلف حسب كمية الطعام لكتوجدي وهاد الخلطة يمكليك تستعمليها فصوص البيتزا فالطواجن سواء اللحم أو الدجاج فعمارة المسمن الصراحة أنا تقريبا كنستعملها فكولشي ما عدا الكسكس
نتمنا تجربوها وتردو عليا الخبار
اللهم ادمها نعمة واحفظها من الزوال
↧
بغيتي تهناي من حكان الثوم وتقطاع الربيع دخلي نوريك واحد الحل أكثر من رائع
↧