- هذا الموضوع خاص بالأخت إيمان حبات تفيدنا بيه لله يزاجيها بالخير
- الموضوع اليوم هو يمكن للفريقين اللي عندهم زيادة فالوزن و اللي عندهم نقص أيضا
- أنا كنت ديما مضاربة مع واحد 4 كيلو نطيحهم يعاودوا يرجعوا نطيحهم يعاودوا يرجعوا , و مع البرد ما بقيتش كنحبس من الكاسكروطات و الماكلة بين الأوقات زاد الوزن ديالي ما بقيتش كنضارب مع 4 كيلو وليت هازة الهم ل 8 كيلو
- والمشكل أنهم كيتركزوا ليا التحت فليهونش و الأفخاذ و السيقان أما الكرش الحمد لله مهنية منها ما كايناش فخطرة , المهم من بعد قررت أنني ندخل عاود للرياضة و ندير ليها وقت لأنني مع الدراسة مابقيتش كنمشي ليها , منين رجعت دايرة فبالي أنني عندي بعدا واحد شهرين على الأقل باش نرجع نطيح ديك 8 كيلو فاذا بيها ولات عندي لاطاي كتحمق ف 3 أسابيع و كلشي لاحظها خصوصا منين كنلبس شي حاجة مزيرة شوية , أستلم نظرات الاعجاب من كل ناحية هههههههههه
- قولوا ما شاء الله
- المهم منين مشيت تلاقيت بواحد المدرب عاد جابوه جديد , كان فالخارج و لشي ظروف ما سمحاتلوش يبقا تما , و هو كان كيدرب العيالات تما فايرلاندا , عرفتوا باش نصحني ؟؟
- الحديد ديال الرجال
- ايييه الحديد ديال الرجال و دوك الآلات الثقيلة و الله الى كيقادوا لاطاي و كيردوها bien finie
- وليت كنمشي أنا و واحد صاحبتي و هو كيدربنا على دوك الآلات لمدة ساعة و طبعا قبل كنجريو واحد 5 دقائق باش يسخن الجسم وعاد كنمشيوا للآلات و هز و جر هههههههههه
- و دايرين 3 حصص فالأسبوع , و اعطاني أيضا شريط ديال الرقص الشرقي واااااااااااااااااو كل ليلة قبل النعاس كنرقص غير ربع ساعة و الله الى كنعراق نيييييييييت و كيبقى قلبي يضرب بشرط ممنوع التوقف , تبقاي ترقصي و تمشي و تجي , و الله الى كنعراق و ديما كنضطر نطلع ندوش عاد نهبط ننعس .
- أما بالنسبة للرجيم , مكيجينيش الجوع كاااااااااااااااع , يعني كناكل عاااادي , غذاء و عشاء و فطور , و حيدت غير الكاسكروطات , عوضتهم بعصير البامبلوموس , و الله الى كيشبع و مكتحسيش بالجوع , و مكندير فيه لا سكر لا وااااالو غير هكاك , نقصت دابا 7 كيلو , و ولات عندي لاطاي فنة الصدر كبر و المؤخرة تشدات مزيان و هادوا طبعا الآلات اللي كيديروا هادشي و حمل الأثقال , و الرقص كيعطي واحد التناسق بين الأفخاذ و ليهونش , و لكن ماشي داك الرقص ديالنا حنا ههههههههه ديال تاع تاع لاااااااااا الرقص الشرقي نييييييييت الله فيه الزربة و كتحسي براسك كتشهقي مللي كترقصي , و السر أنك ما تحبسيش لمدة 15 دقيقة ما تحبسيش كاااااااع .
- و مرة فالأسبوع كخرج نجيب شي دويرة كبييييييرة على رجلي , يعني لمدة ساعتين ديال المشي , ماشي ضروري تمشاي بالزربة قد ما هو ضروري تحركي العضلات و صافي .
- ايه نسيت واحد النصيحة , مللي تكونوا كتهزوا الحديد خليوا معاكم قرعة ديال لتر ديال الماء و كل 10 دقائق شربوا منها حتى تساليوها .
- و الخبر أيضا للنحيفات هو نفس الشيء الحديد و مللي تسالي الحصة ياكلوا موراها على طول , كيزيد كينفخ العضلات و كيسهل عملية الزيادة فالوزن .
- بيزو لكل وحدة قرأت موضوعي.
↧
لبغات لاطاي ديالها كتحمق تدخل مرحبا بيها نقولكم السر الغريب جدا
↧