- الصيف اللي فات بغيت نبدل L’écran اللي موالفة كندير , و نصحني الفارماسيان بـ Eclipse , المهم جربتو عجبني مللي رجعت ناخدوا تاني لقيت حاطين معاه Auto-Bronzant كادو , خديتو على أساس يعطيني شي لوين أسمر زوين , ايوا استعملتوا 1 سيمانة ما نعرف آش داك اللون اعطاني حااااالتو لا علاقة مع البرونزاج !!
- حبستو و مشيت للطبيب و هو يعطيني هاد Peeling ديال SVR , و الله الى من الاستعمال الثاني بان لي الفرق فوجهي , و بدات هاديك الطبقة كتتقشر و رجع وجهي كيف كان الحمد لله و أحسن , و كنت بغيت نكتب لكم هاد الموضوع شحال هذا و لكن مشا من بالي حيث ديما كنشوف البنات كيتشكاو من الشمس كحلات لهم الوجه , المهم الاسم ديالو بالكامل Lysalpha Cicapeel و الشركة المنتجة اسمها SVR , ثمنه 250 درهم.
- هادي صورته
- طبعا هو على شكل جيل سائل , كتغسلي وجهك فالليل بالغسول ديالك , و كتحطيه مع مساج خفيف , و كتستعمليه نهار اه نهار لا , يعني ماشي يوميا و يستعمل فالليل فقط , و مللي تفيقي الصباح غسلي وجهك بالغسول ديالك و الواقي الشمسي ضرووووري قبل الخروج , راه فعاااال أنا نتيجتو بانت ليا من الأسبوع الأول , و دابا لـ Flacon ديالها باقي عااامرة و الله العظيم , حيث غير كتوصلي للنتيجة اللي بغيتي كتحبسي .
- وراه ينفع حتى للأخوات اللي عندهوم بقع فوجههوم و لكن قد ما كانت البقع حديثة قد ما كان مفعول أي كريم قوي , لأنه مللي كيقدام المشكل أي كيفوت عليه عام و لا عامين كتولي القضية صعيبة شوية , داكشي باش ديما كنقول للبنات اللي عندها شي مشكل مع بشرتها ما تبخلش عليها حتى يفوت الوقت .