كؤوس مشكلة غاية في الروعة وينفع ملي يجيو عندك الضياف

المقادير :
400غ كريم فريش + 2 بيرلي + 3 ملاعق كبار سنيدة + جبن كيري.
1)نطربو كريم حتى تتطلع
2)في إناء آخر نخلطو جبن كيري مع بيرلي مع سنيدة بالفوي حتى ينسجمو ونضيفوهم للكريم الفريش اللي طلعنا دفعة واحدة مع التحريك من تحت لفوق وبالمهل حتى تنسجم الكريمة ونقسموها لثلاث أقسام.
الشكل الاول : درت فلون الفريز عادي مع الحليب حتى غلى ودرت ثلث في الكؤوس ودخلتهم للثلاجة حتى يجمدو عاد درت الكريمة في الجيب الحلواني وعمرت بها الكاس ودرت الشكلاط الوردي من فوق.
الشكل التاني : عملت ملعقة كبيرة من كناش شوكولا اللي هي شكلاط دايبة ونضيف لها القليل من الحليب وناخدو الكريمة ونضيفو لها 2 ملاعق صغار من نسلي كراميل ونخلطو حتى ينسجمو عاد نديروها في الجيب الحلواني ونعمرو الكؤوس ونزينوها بحبيبات شكلاط دهبية.
الشكل الثالث : نديرو ملعقة كبيرة نسلي كراميل عاد نعمرو بالكريمة ونزينوها بالفيتين.
جبن كيري اللي استعملت داير بحال جبلي ماشي الفرماج المربع.