سر البيتزا من إيطاليا أو عمرك تفكري تشريها من الزنقة و خليها بيناتنا

مقادير العجينة : تقدر كل وحدة تستعمل لعجينة ديالها لموالفها…أو العجين المورق أو ديال البيتزا لي كيكونو جاهزين ف المحلات…و تعمرها بهاذ الحشوة
مقادير العجين : دقيق الفورص + شوية ملح + زعتر + ملعقة زيت الزيتون + م ك زيت رومية + خميرة ديال الدار+ قبيصة خميرة د حلوة + 2 م كبار دانون مسوس + ملعقة ص سكر + ماء دافي لجمع العجينة خاصها تجي لينة ماشي قاصحا… نخلوها تخمر شوية عاد نخدمو بها أو ملي نطلقوها نرقوها بمدلك ولا بيدنا
لصوص : 4 ملاعق صوص الطماطم لي كتكون سائلة مع ملعقة كبيرة من حك طماطم+ رشة زعتر + رشة حبق أو بازليك + راس ثوم محكوك + م ك زيت الزيتون + ملح + ابزار + تحميرة + خرقوم + كل حاجة منها قبصة فقط ،نخليوها تشحر شوية أو نطفو عليها الحشوة حسب الذوق انا عملت الكفتة + الزيتون اسود+ البصل + الفلفل احمر واخضر+ فرماج كيري + زعتر موتزريلا
طريقة تحضير البيتزا نبسط العجين يكون رقيق وندهن بالصوص نضع الحشوة والكفتة وندخلها للفرن نخرجها من الفرن ونرشها بالفرماج ندخلها مرة ثانية للفرن وهذا الشكل… النهائي للبيتزا
و سر اخواتي الحبيبات لي قلت لكم عليه هي أنه كنخلو كلشي خضر يعني الخضرة أو كفتة بلا منشحروها ف مقلة أو كندخلوها شوية طيب أو كنخرجوها باش نرشوها بفروماج محكوك أو نعاودو ندخلوها لفران تكمل طيابها أراه كتجي طايبة أو بنينة بزاف بهاذ الطريقة.