وصفــــة أكثــــر مــــن رائعــــة لصباغــــة الشعــــر طبيعيــــا لــــون بنــــي محمــــر

حبيت اليوم نجيب ليكم هاد الوصفة لصباغة الشعر الصراحة أنا جربتها و النتيجة روعة و خرجلي شعري بحال هاكا
المهم مانطول عليكم الوصفة هي :
10 معالق كبيرة حناء + عصير ليمونة (حامضة) + 3 معالق من خل التفاح الا ما ماكانش عندش استعملي غير الخل العادي + 2 معالق من القهوة سريعة الدوبان + مقدار مناسب من الماء الساخن
بالنسبة للطريقة :
كتجمعي المكونات كلها ما عدا الحامضة كتخلي الخليط 3 ساعات حتى يتخمر و من بعد ضيفي حامضة و خلطي مزيان و ديريه على شعرك
المدة ما بين 1 ساعة حتى 3 ساعات انا درت الوصفة بالليل حتى الصباح عاد غسلت شعري
كنمنى الوصفة تعجبكم الى اللقاء ان شاء الله.