قولي ودعاء لأوجاع الحيض عن تجربة وساهلة البنات

حبيباتي من منا لاتعاني من أوجاع الحيض أعزكن الله ملي كتقرب تجينيني كنتقطع كيجي الوجع والإسهال والتقيئ أعزكم الله وفقدان الشهية
يعني كدوز عليا بمعنى الكلمة مخليت مجربت حتى لهاذ السيمانة كانت أمي غادية تاخذ ليا قويلبات ديال الوجع حنت أمي مسكينة ملي كتشوف حالتي هاكا كنبقى فيها بزاااف
يلاه غادية تاخد ليا القويلبات وهي تلقا مع صحبتها وقالت ليها بلا متخديهم ليها ديري ليها غي الكمون البلدي تاخدي ماء وكتخليه حتى يغلي وتعملي فيه شوية الكمون لابلدي وتغطيه وحتى يبرد شوية عاد شربيه وبالفعل جربتو
أقسم بالرب العزة أني محسيت كاااع بالوجع ولا الإسهال ولا تقيئ أعزكم الله
كنت من قبل ملي كتيجي كاع مكنشوف النعاس لليل كامل وانا كنتقطع ولكن ملي جربت الكمون حسيت بالراحة
اطلت عليكن أنيقاتي أتمنى تجربوه ولا تنسوني من صالح الدعاء.