العجين : 300 غ الدقيق + 100 غ الزبدة + 20 غ بودرة الحليب + 3 فرماجات مثلثات + 2 أصفر البيض + شوية من الملح + شوية من الابزار
* من بعد مانخلطو جميع العناصر تانقسمو العجين كويرات ونديروهوم في الثلاجة مدة 30 دقيقة
* فهاد الوقيتة نصايبو البيشاميل
البيشاميل : كاس ديال الحليب + ملعقة كبيرة ونصف من الطحين + ملعقة كبيرة ونصف من الزبدة + شوية ملح + شوية ابزار + فرماجة مثلثة
* كانديرو الزبدة والطحين فوق النار دوب الزبدة وتنساجم مع الطحين ونزيدو باقي المكونات وفوق نار مهيلة نستمرو في التحريك
الحشوة : كاشير محكوك + بصل مقلي في الزيت مع الملح والابزار + زيتون اسود + الطون + والبيشاميل للي وجدنا من قبل
* كانخلطو جميع المكونات
* من بعدما كملات مدة 30 دقيقة نخرجو العجين ونسرحوه بالدلاك ونطبعو بالزلافة دوائر أنا استعملت زلافة متوسطة
* من بعد كانديرو الحشوة في الطرف ديال الدائرة
* نطويوها ونصايبو جناب بالفرشيط
* من بعد ندهنو طبسيل الفران بالزيت ونستفو شوصون ديالنا وندهنوه من فوق ببيضة مخفوقة
* وهاهوما طابو بالصحة والراحة
↧
شوصـــون مـــن ألـــذ مـــا يكـــون وبطـــريقة ومكونـــات سهلـــة جــــدا
↧