فكـــرة عشـــاء مـــن ألـــذ مايكـــون سباكيتـــي بطريفـــات الدجـــاج إقتصاديـــة ومتشبعـــوش منـــها

* أولا تصلقو سباكيتي مع طريف زبدة صغير ومعلقة صغيرة موطارد وشوية ملح حيت الموطارد مالح منين تطيب تصفيها
* منبعد توجدو لصوص حكيت مطيشة وفيها ملح بزار خرقوم ومعلقة زيت العود وشوية ماء خليتها تطيب واحد الشوية عاد ضفت ليها مطيشة ديال الحك ونصف سكرة من السكر ديال القهوة ماشي ديال أتاي حيت السكر ديال أتاي كبير لهذا غير نصف سكرة صغيرة باش تزول ليها الحموضة لي فيها وهاهي لصوص واجدة
من بعد تشدي الهبرة ديال بيبي أو ديال الدجاج تقطعيها على شكل قطبان وتشحريها مع بصيلة وزويتة وملح وبزار وخرقوم وضريس ثوم مفروم وشوية ربيع حتى يطيبو وراهم كيطيبو دغية
دابا تخلطي سباكيتي مع لصوص وتقاديها في الطبسيل وفي الوسط تعملي القطيبات مع البصيلة لي طابو فيها
إلى بغيتي تزينيها تخلي شوية من لصوص تعمليه فوق القطيبات وترشي شوية ربيع مفروم وأخضر