السلام عليكم
هاد الرايب ساهل و تيجي غزال حسن من ديال الزنقة نتمنى تجربوه و يعجبكم
المقــــاديــــــر :
لتر حليب + 1 دانون فاني من الاحسن يكون عادي ماشي كريمي + 3 معالق كبار نيدو + 4 معالق كبار سنيدة أو حسب الذوق + 1 فاني
الطـــــــريــــقـــــة :
نقسم الحليب نصف لتر نخلط معاه جميع المقادير و النصف الاخر نفيضوه، نكب الحليب الفايض على الاخر و نخلط مزيان و نكبوهم في كيسان ونعملو الماء طايب في الكوكوط ونحطو الكيسان و نسد الكوكوط بصفارة ايلا كان الحال بارد نغطيها بشي مالطة و نخليه ليلة كاملة 12 ساعة كلما خليتوه كلما مزيان انا كنديرو بالليل حتا الصباح عاد نحطو فالثلاجة ممكن ديرو فقاع الكاس نكهة أو سيرو وعاد تكبو الخليط
هاهو ملي برد تيجي عاقد و ممكن تزوقوه حسب الرغبة او تخليوه طبيعي
وبالصــحـــــة والـــــراحـــــة
