فقاص رائع جدا وكل من داقو كيحماق عليه

كيلو إلا ربع دقيق فورص ممتاز + رابعة سكر كلاصي + نصف كاس زيت + نصف كاس زبدة مدوبة + 4 بيضات + رابعة اللوز منقوص منها حفنة + ورابعة الزبيب منقوص منها حفنة كذلك + 2خمارات + 2فاني + قبصة ملح
الطريقة :
نخلط البيض مع السكر كلاصي والفاني والمليحة، نضيف الزبدة والزيت واللوز والزبيب، نضيف نصف كمية الدقيق + الخميرة ونخلطو عاد نبقاو نزيدو شوية بشوية الدقيق الباقي حتى نحصلو على عجين متامسك وتقدرو تشكلوه
نعدلو حريبلات نستفوهم في الطاوة متباعدين شوية، ناخدو شوية حليب ندوبو فيه نسكافي ونزيدو عليه بيضة ونطربو مزيان، ندهنو الحريبلات وندوزو عليهم بالفورشيط
وإلى الفرن متوسط الحرارة يطيبو نص طيبة نحطوهم في بلاطو مفرش بمناديل طبخ باش ميعرقش يبرد شوية ونغطيو عليه ونخليوه حتى يبرد مزييييااااااان
من بعد ناخدو سكين ماضي او الكوتور اذا كان متواجد يكون عريض ونقطعو الفقاص ونستفو في الطاوة وندخلوه يتحمر في الفرن
وبالصحـــــــة والراحــــــــــــة