مقادير غريبة الليمون المعلكة :
5 بيضات + 2 كيسان زيت + 2 كيسان ونصف سكر سنيدة + 2 خميرة الحلوى + 2 كيسان ونصف كوك (جوز الهند) + ليمونة محكوكة + عصير ليمونة + قليل من ماء زهر (تقريبا 2 م ك) + سميد حسب الخليط
للتزيين : سكر صقيل للتفنيد
سر نجاح الحلوى بحيث كتجي مشققة و معلكة يكمن في الطريقة
طريقة تحضير غريبة معلكة بالليمون :
أول مرحلة نفصل الصفار عن البياض و كنطربو الصفار مع سنيدة حتى يتغير لونو و يصبح أبيض فاتح كنزيدو الزيت تدريجيا و حنا مزالين كنطربو حتى الإنسجام التآآآام عاد كنضيفو الكوك + ماء الزهر + وكذلك الليمون مبشور وعصيره وكذلك نضيف بياض البيض بعد ان قمنا بخفقه حتى يصبح كالثلج نخلطه بهدواء لكي لا يتكسر لنا ويخرج الهواء الموجود فيه سميد حسب الخليط القياس لي تجمع و تبقى تلصق شوية في اليد و الخمارات هما أخر حاجة يتم اضافتها
وكيبقى الفرن على حسب. المهم ف أول مرحلة خاص الفرن يكون شاعل على وجه غريبة حتى تشقق مزيان و بالأخص منحلوش الفرن عاد كنديرها فالمكان المخصص باش طيب من أسفل و خاصها متحمرش بزاف يكفي تبقى صفيفرة و نديروها شكل غريبة ونفندها في سكر و ندخلها إلى فرن نشعل عليها من فوق و ملي تبدا تاتفرقع تنشعل سفلي و بالصحة و الراحة.