الطبقة 1 : كاس سنيدة نوضعو فوق النار حتى يولي كراميل ونخويه في المول لي غادي ندير فيه الكيكة
الطبقة 2 : 1/2 لتر حليب + 3 بيضات + ملعقة فاني سائلة أو ساشي + قشرة برتقالة محكوكة + كاس سنيدة نخلط كلشي مزيان ونخويه فوق الطبقة 1 ديال الكراميل وندير المول في إناء آخر فيه ماء وندخلها للفرن يعني غادي طيب في حمام مريم داخل الفرن نخليها تقريبا ساعة من طيب نوجد.
الطبقة 3 : 1بيضة + 1/2كاس زيت + 1/2 كاس سكر + 1/2كاس حليب + 1خميرة + كاس دقيق+ ملعقة كاكاو
نخلط كلشي ونخويه فوق الطبقة2 وندخلها مرة أخرى طيب حتى توجد الطبقة3 وعاد نخرجها
نخليها في المول ديالها حتى تبرد مزيآآآآن عاد نقلبها في صحن
أنا هادي صوبتها في الصباح عاد قلبتها دبا باش متهرسش
وهاذي صوبتها داك النهار نفس المقادير غير الشكل لي مغاير
↧
كيكة قدرة قادر الساهلة ولي عمرها تخطاني
↧