المقادير : 2 بيضات + كاس زيت 100مل + كاس سنيدة + قشرة ليمونة + خمارة وفاني + 100غ كوك وماتبقى قمح
التزيين : شوية ماء الزهر وسكر صقيل
الطريقة : كنخلط زيت والبيض وسكر وخمارة وفاني وقشرة الليمون، تم كنضيف الكوك، تم القمح، خاصها تبقى مرخوفة نخليها واحد 5 دقائق عاد نشكلها، كندهن يدي بماء زهر وناخد شوية من الخليط ونشكلها ونفندها في سكر كلاصي ونخليها تتشرب سكر حتي يعمر طبسيل، عاد نبدى نهز ونستف فيها في لاطة مدهونة ومرشوشة بدقيق، وممكن نزينها حتى بنصف حبة اللوز كتجي غزالة في المنظر، ندخلها للفرن ساخن نشعل غير لفوق غير شوية حتى تبدى تتشقق حيت دغيا كتتحمر وحنا بغيناها شهيبة هههه عاد نزلها تكمل طياب ونخرها تبرد، ونقدمها.
بالصحة والراحة
↧
غريبة الكوك والفينو غزالة ومهم أنها إقتصادية وتستحق أنكم تجربوها
↧