هاد العجينة ديال البيتزا تتجي زوينة بزاف ولي جربها تتصدق ليه و تتعجبو
و مقاديرها ساهليــــــــن
* زلافة ديال الطحين الفورص الرطب يعني ديال الحلوى +2 معالق كبار ديال الزبدة + بيضة + خمارة + الملح + شويييية ديال الماء بارد يعني من الروبيني
* نخلطو الطحين مع الزبدة حتي تندامج و عاد نزيدو البيضة و الخمارة و الملح و نخلطوها ونزيدو ليها شوية ديال الماء باش تجمع
* نلويولها في ميكة ونحطوها فالتلاجة علاين منوجدو الحشوة
* والحشوة انا درت لاصوص مطيشة + الكروفيت + شمبنيون + الفلفلة مشوية فالفران + الفرماج + الزيتون الاسود
* بالنسبة لاصوص نتحتاجو :
مطيشة ديال الحك مطلوقة فالماء + الملح والبزار والزعتر والزيت البلدية ونشحروها شوية
* الكروفيت مشحر فشوية ديال الزيت البلدية و الملح و البزار
* و الشمبنيون مشحرين فشوية ديال الزيت البلدية و الملح و البزار
* والفلفلة حمرة وصفرة وبرتقالية مشوية فالفران ومنقية
* تنخرجو العجينة وتنطلقوها فالطاوة مرشوشة بالطحين ونخليوها رقيقة وتنتقبوها بلفرشيطة وندخلوها تطيب وتتحمر من لتحت منين تطيب نخرجوها ونديرو لاصوص ثم الكروفيت ثم الشمبنيون تم الفلفلة تم الزيتون تم الفرماج تم شوية الزعتر وندخلوها باش يدو الفرماج صافي أم لاباط راها طايبة
بالنسبة لهاد الكيش حتاهما ساهلين وروعة فالمنظر و المداق
* استعملت نفس العجين ودرت فيها نفس لاصوص والكفتة مشحرة مع البصلة تم خلطت البيض مع شوية ديال الحليب ودرت شوية منو فوق كل وحدة
* راني عمرتهم والعجينة خضرة وعاد دخلتهم يطيبو منين تحمرو عاد درت شوية ديال الفرماج ورجعتهم للفرن باش يدوب
بالصــحـــــة والـــــراحـــــة
↧
بيتــــزا بالكروفيــــت والكيــــش بالكفتــــة والكــــل بعجيــــن تتصــــدق رائعــــة
↧