ميني مسمن بالتفاح وعقدة اللوز كيجي مقرمش ورائع قليلة في حقو

المقادير :
للعجين نحتاج : 500 فرينة + 100 غ سميدة + ملح + ملعقة سكر + 1 خمارة حمراء + 1 فاني + 2 معالق زبدة دائبة + ماء دافئ هزتلي تقريبا 2 كيسان متوسطين زبدة وزيت للتوراق، دلكيها مزيان وخليها ترتاح 10 دقائق
الحشوة : 2 تفاحات مقطعين حلقات + ملعقة كبيرة زبدة لينة + نصف فاني، نمرمدو التفاح في الفاني والزبدة
عجينة اللوز : نحتاج 100غ لوز مصلوق ومقشر ومطحون مع نصف كاس سنيدة نعجنوه ب 50 غ زبدة أو ملعقة كبيرة + 2 معالق ماء زهر ونصف ملعقة قرفة
نجمعوها ونقسموها كويرات صغيرة على حسب عدد لمسمن لي عندنا انا خرجت 29 كويرة
الطريقة :
عادية بحال كل مسمن نخليوو يرتاح ونقطعوه كرات صغار في الزيت نخليهم يرتاحو 10 دقائق ونشكلوهم مسيمنات صغار
بعد ما يرتاحو نحطو الحشوة ديالنا حلقة ديال التفاح ثم عقدة اللوز ونجمعو لمسمنة بحال شي ظرف ونحطوه في مول يدخل للفرن بعد ما ندهنوه باصفر البيض.