السلام عليكم :
في هد الموضوع بغيت نطرق لشحال من مشاكل كتواجه الام الجديدة لا شك اننا كلنا دزنا في هد المرحلة و كنبغيو هير نسولو العيالات الكبار لي فاتو والدين واش كانو كيعانيو من نفس المشكل مع وليداتهم واش عااادي واش واش واش كثيرة هيا الاسئلة انا هنا بحكم تجربتي مع إبني بغيت نساعد كل ام كتمارس الامومة لي اول مرة نبدا بدون مقدمات ههههههه
* الطفل ملي عادي كيتزاد ضروري يتقيا شي حاجة بحال الدم هداك هير الماء لي شرب من الكرش وداكشي عااادي جدا نهار الاول و التاني صافي كيمشي داكشي
* الراس ديال الطفل كيكون بحال بعويدة راه عااادي دغيا كيرجع كيف كان
* الكرش ملي كيديرو كاكا هدو لي عاااد تولدو كتكون كحلاء بزاااااف الامر عادي دوبي السمن البلدي ديال المعاز أو البقرة و ديري فيه شوية ديال الشيح و خليه يغلى من بعد ملي يدفا عطيه للطفل السمن كينقي الكرش ديالو مزيان و حتى مكيبقاش يوحل ليه الحليب نهار الاول ديال الولادة ديالي كنعطيه ليهم الوالدة ديالي لي قالتها لي
* من بعد كيكون لون كاكا صفر مزيااان ملي تشوفي لون كاكا اخضر راه البرد داخلو خودي الزعتر مع الحليب أو التومة الحاجة لي تحيد منك البرد حيت الاكان فيك البرد راه حتى الطفل كيرضعو منك
* الظفار ديال بعض الاطفال كيكون زورق بعد الولادة عادي هير كيتعصرو ملي كيبغيو يخرجو من الكرش
* بالنسبة للبوط ضروري من الدواء يوميا 3 مرات في اليوم او اكثر وكل مرة بدلتي ليه ليكوش رشيه بدواء الاحمر هو لي مزيان و كيشافي دغيا و البوط راه كتكون فيه واحدة ريحة خايبة ماشي مشكلة هير الدواء الاحمر كينشف الجرح هو البوط 4 حتى 5 كيطيح و كاين لي كيبقا ليه حتى اسبوع ملي يفوت الاسبوع ضروري يشوفو الطبيب او الا تقيح هدا ناتج عن عدم النظافة نصيحة متخليش الطفل يبقا يبكي بزاااف حتى يبرا ليه البوط مزياان لأن كثرة البكاء كيدير الفتق الله يحفظ وكيبقا البوط منفوووخ
* الطفل شي بعد المرات كيبقا يحول فعينيه وحنا كيشدنا وسواس ناااري ولدي حول وكيبقا الوساوس هدا الامر عادي
* شي قشرة كتكون في الوجه ديال الطفل هير دهني ليه بزيت لوسيور يوميا حتى تمشي و حتى في الشعر
* و أيضا شي بقع حمرين خاصة فوق العين داكشي دغيا كيمشي و الحبيبات صغار و متقاربين هير الزيت كتحيد كولشي
* بين التنيات ديال جسم الطفل ضروري تراقبيهم لأنهم كيخنازو خاصة الام ملي كترضع الطفل والحليب كيبقا ينزل غادي لجهة العنق و وراء الادن كتبقا الام تمسح العنق و تنسا وراء الادن كيبقا داك الحليب تما هير نهار و كيعطي ريحة خانزة ضروري كتبقا تقلبي في الطفل تحت البيضان التنيات كاع لي في الجسم و الادن و اليدين و الرجلين.
* بعض المرات كيبقا الطفل يميل كرشو لجهة واحدة مثلا اليمين او اليسار و كتبقا الكرش منفوخة ومايلة أنا ديما كتوقع لي و كنتخلع شوية كيرجع البطن كيف كان هههه
* و أيضا الفم ديال الطفل كيكون أبيض وبعض الامهات كيقولو هير الحليب هداك لا هدوك ليزافط الفم طايب ديري ليه سواك مزيان ودهني ب بومادة داكتاغين راه كيتعطى من الولادة واخا يتسرط ماشي مشكل موجودة في الصيدليات حيت الا خليتي داك الطياب ميبغيش ليك الطفل يرضع
* البزولة ديال الام ضروري تشقق خاص الام قبل ماتولد تبقا دهن ريوس البزولة مزيان بزيت تخليهم رطبين.
* علاش كيتشققو و كيضرونا وتم نازلين بالدم حيت ناشفين وملي يجي الطفل يرضع و يرضع صااافي كيبقاو يتمزقو كاين لي كيسيل معاها الدم هده نصيحة الامهات بقاو دهنو ريوس البزولة هدا قبل ماتولدو باش متلقاوش مشكل
* الطفل كيبقا يتقا بززززززززززاف الامر عااادي حتى كيخرج من النيف ولدي كان هاكك مع الوقت كيمشي داكشي
* بالنسبة للوجع دراري صغار الكمون الصوفي و الكمون البلدي و النافع و الكروية والنافع البستاني تغلي الماء مزيااان و تخوي عليهم العشوب يطلق شوية و عطيه للطفل مرة مرة واخا ميكونش فيه الوجع باش يزول ليه بمرة
* بالنسبة للسنان كاين لي كينوضهم في شهرين عااااادي ولد لوستي ناضو ليه في شهرين وكاين لي مكينوضوش ليه حتى عام و 4 شهور بحال ولدي عام دبا يالله عندو 2 سنينات الاسفل الامر عااادي هو الطبيب قال ليك مزياان حتى يكبر الطفل عاد ينوضو ليه لأن المناعة كتكون و الطفل كيتحمل ماشي بحال الا كان صغير المناعة قليلة و كل واحدة والجسم ديالو و الطاقة التحمل ديالو
* بالنسبة الطفل ملي كيبغي يتنفس او يدير كاكا كيبقا يغوت بزاااااف يمكن من التوتة هزي عود ديال الادنين ودهنيه بزيت لعود وديريه لي في المخرج دهنيه بشوية شيوية او ديري ليه دواء الاحمر
* ضروري الام توازن في المالكة ديالها و تبعد على البرودة و الفواكه الموسمية لأن كيضر الطفل
* بالنسبة للطفل الا تسدو ليه نيوفو برواح قطري فيه قطرات من حليب ديالك باش تزول الخنونة بسهولة
* التقطيرة ديال الأدنين و قويلبات السخانة و قويلبات ديال فلايو ديال ضد البرد و قويلبات كريسطال كتساعد على خروج البراز واخا انا مكنفضلهاش ضروري يكونو عندكم في الدار و ايضا الا خرجتو.
* الأم إلا رضعات ولدها تهزو فوق كتفها وتبقى طبطب لو فوق ضهرو باش يتجرع و ميردش الحليب لي شرب ولكن ردي بالك يكون نيفو فوق كتفك لا يتخنق.
- هتشي لي تفكرت دابااااااااااا الا تفكرت شي حاجة غدي نرجع وممكن من الاخوات لي دازو من التجربة يحطو بصمتهم راه الامهات الجدد محتاجين للنصائحكم و تجاريبكم.