السلام عليكم
مع إقترب عيد الأضحى قررت نقدم ليكم أروع ضلعة محمرة ومعمرة بالفواكه الجافة كتجي هائلة وبنينة
أو حاجة نحتاجو ضلعة + الحشوة لي فيها : فواكة جافة من إختياركم أنا درت غير المشماش زبيب والبرقوق
يتم غسلها جيدا و تزال البذور ان وجدت و ترقد بعصير البرتقال وقرفة وسكر و شوية ملح مع إضافة الماء
الضلعة نفتحوها نرشو الداخل بالملح البزار كامون وكيف ونضع الحشوة داخل الضلعة و نخيطها
بالنسبة لشرمولة الضلعة فيها ملح ابزار راس الحانوت سكين جبير طري سكين جبير عادي ثوم سمن خرقوم بلدي و ضامة ديال الزعفران (من الاحسن زعفران شعرة) بصلة مشلضة وشويت الربيع يخلط الكل بقليل من الماء
تدهن بيها الضلعة جيدا و نتركها تتشرب الخلطة مع البصل
أول ما يتم وضعها على النار تكون على وجهها لحين تكتسب اللون شوية ثم نقلبها تكمل نضوجها
ونزيد قليل من الزيت والماء ونتركها تطهى على خاطرها (من الاحسن فوق الفحم )
وبالصــحـــــة والـــــراحـــــة
↧
ضلعـــة محمـــرة ومعمـــرة بالفواكـــه الجافـــة مـــن ألـــذ مايكـــون
↧