فقاص صغير مالح كيجي بنين بشهادة كل من داقو وكيخرج كمية كثيرة

السلام عليكم و رحمة الله وبركاته
هاد الفقاص كيجي بنين بشهادة كل من داقو
المكــونـــات :
1 كيلو فورص + زلافة القزبر والمعدنوس مقطعين + 5 ضروس ثومة مدقوقة + 2 معالق كبار موطارد + شوية الزعتر + معلقة صغيرة ملح + 2 معالق كبار هريسة ممكن تزيدو إلا بغيتوه حار بزاف + 3 الفرماجات + كاس أتاي زيت و وكاس زبدة دايبة + خمارة ديال الحلوة و معلقة صغيرة خميرة الخبز + والماء الدافئ لجمع العجين
الطـــــريــقــــة : 
* كنعجنو كل المقادير و كنخلوها تخمر شي ساعة أو أكثر
* كنديرو منها قضبان بالحجم لبغينا و ندخلوهة الفران يطيبو نص طيبة و كنخرجوهم ونقطعوهم،وإلا مافيك مايبقا يلعب معاهم قطعيه بالمقص مباشرة يعني بلا مطيبيه نص طيبة ونديروه يتحمر فالفران.
* وهاهما الأنواع بزوج لنني عييت وقطعت نصو غير بالمقص
وتأكدو إلى جربتو مرة وحدة ماغاديش يبقا يخطاكم
وبالصــحـــــة والـــــراحـــــة