تحية اخوية اخواتي وكل عام وانتم بخير نتمنى من الله تكونوا في صحة جيدة وفي أحسن الأحوال
شهيوة اليوم عبارة عن كيك ساهل ماهل ومعتامداه من شحال هادي
نبداو على بركة الله
المقادير :
4 بيضات + كاس عنبة معمرش زيت + كاس سنيدة + كاس الماء عادي بلا ميكون سخون + 3 خمارات + 3 معالق كبار كاكاو + 2 كيسان عنبة طحين فورص + 1 فاني
الطريقة :
نطرب البيض مع السنيدة والفاني والزيت نزيد الكاكاو والماء تم الطحين والخمارات
ندهن لمول بالزبدة ونرشوا بالطحين ونصب الخليط وندخلها للفرن بلا ميكون سخون غي نشعلوا ونحط الكيك يطيب
ونصاوبو الكريما باش غنسقيو الكيك ملي تطيب نحتاجوا
طرف كبير تاع الشكلاط + فاني + معلقة صغيرة نسكافي + 2 معالق كبار سنيدة + شوية الماء غي ربع كاس + 2 دانون صغار اي نكهة تفضلوها
نعمل الشكلاط الفاني السنيدة القهوة سريعة الدوبان والماء يغليو ويذوب كولشي
ملي نحسوا بيهم دابوا نزولوهم من فوق النار ونزيد دانون ونخلطهم مزيان ملي نخرجوا الكيك من الفرن نتقبوها كاملة بالفورشيط ونخوي عليها الكريما بحال إلا غنسقيها ونزوقها حسب الرغبة
