دانيت بطريقتين بالشكلاط والكارميل أحسن ألف مرة من لي كيتباع

- اليوم ان شا ءالله نقدم ليكم ديسير دانيت تيجي غزااال رائع و ساهل
– المهم منين يتوجد خاصو شي 4 أو6 سوايع في التلاجة باش يبرد مزيان
– أنا درتهم ب2 في نفس الزلافة يمكن ليك تجربي غي واحد فيهم أو ب2 و ديري كل نوع بوحدو أو تخلكيهم كيف درت أنا
– في التقديم أنا خليتهم سامبل ممكن تزينيهم بالكريم شونتي واللوز محمر الا جاو عندك الضياف
نبداو على بركة الله بالنسبم لدانيت بالكراميل
المقــــاديــــــر :
1/2 لتر من الحليب + بيضة + شوية الشكلاط أبيض تقريبا شي 4 مكعبات صغار + 2 م ك ميزينا + شوية سنيدة + و 3 خنيشات الكارميل أنا درت هادا ديال البكية اللي تيكون مع كريم كراميل  الا ماكانش ممكن ديري السكر دوبيه حتى يولي كاراميل و تستعمليه
الطريــــــقـــــة :
- نسخنو الحليب و ندوبو في الشكلاط الابيض و الكاراميل منين يدوب
- نطحنوه في الخلاط الكهربائي مع مايزينا والبيضة وسنيدة غي شوية حيت الكاراميل حلو بزااف
- ونردوه فوق نار هادئة مع التخلاط المستمر حتى يعقاد و نكبوه في زليفات
وندوزو لدانيت الشكلاط تنحتاجو
المقــــاديــــــر :
1/2 لتر من الحليب + مربع كبير ديال الشكلاط + 2 م ك من بودرة الشكلاط +2 م ك من مايزينا + 1 بيضة + سنيدة حسب الذوق
الطريــــــقـــــة :
- نسخنو الحليب و ندوبو فيه الشكلاط الاسود و منين يذوب و يبرد شوية
- نطحنوه مع باقي المقادير بحال الاول سنيدة و الكاكاو و مايزينا والبيضة
- تم نردوه فوق البوطة حتى يعقاد
- و نخويوه فوق الاول أو نديروه في زليفات بوحدو
- وندخلوه للتلاجة حتى يبرد مزيااااان
وبالصــحـــــة والـــــراحـــــة