طاجين بالكفتة د السردين بطريقتي سهل ولذيذ

المقــــاديــــــر :
كيلو ونص أو 2 كيلو ديال السردين منقيو مسلوخ ومحيد ليه السلسول + 1 بصلة متوسطة مقطعة قطع صغيرة + 1 فلفلة صغيرة مقطعة قطع صغيرة + 1 ڴريعة صغيرة مقطعة قطع صغار + 1 خيزوة مقطعة قطع صغار + 1 بطاطا صغيرة مقطعة قطع صغار + 1 ساشي شبلير + 3 مطيشات كبار + 1 ملعقة كبيرة معجون مطيشة + نص كاس أتاي دروز + معدنوس + قزبور + تومة مدڴوڴين مع العطرية : ملحة + بزار + كامون + سكينجبير + قزبور يابس مطحون + تحميرة + خرقوم بلدي + زعتر مطحون + زيت المائدة مخلطة مع زيت الزيتون
 
الطريــــــقــــــة :
تطحن هبرة السردين مع الخضرة في الماكينة د الكفتة
 عاد نزيدو عليهم شابلور أي الخبز الناشف، و المواد الباقية (العطرية و الربيع و التومة و الروز)

 ونعجنوها مزيان و نكوروها ف الطاجين نحكو مطيشة و نزيدو عليها معجون مطيشة و الزيت و العطرية و نشحروها شوية عاد نزيدو الكويرات و نخليوه فوق عافية خفيفة 40 دقيقة
باش تربح الوقت و باش الكفتة تشرب القوام مزيان يمكن توجد الكفتة من الليلة و تبات ف الثلاجة حتى للصباح
وهاهو الطاجين واجــــــد
وبالصــحـــــة والـــــراحـــــة